涂谨申唔单只喺动议表决时投反对票，仲喺fb转载“区议会通过菜街‘杀街’ 大妈歌姬哽咽：接受唔到”嘅新闻。不过，即使喺坉茼P温层，所有网民都支持“杀街”喎，例如“Hill X Cheung”就话：“点解做行人专用区？因为多人行丫（吖）麻（嘛）！又嘈又阻街，杀得好啦！”

“Kenneth Ho”就狠批：“得你一个投反对票取消行人专用区，唔怪得D（啲）后生（仔）日日××你地（哋）白鸽党！”“Fung Lam”就更简单直接：“食屎啦您，您投反对票，您体谅佢，边个体谅香港人？”

网民：“学咩人做议员”

同样在表决时投反对票的当区区议员余德宝，就解释佢反对只系“暂时搁置旺角行人专区”，研究在行人专区搞“发牌”制度，让“本地艺术工作者”有发展空间喎。“Dannyfp Ngai”就留言狠批：“认住尼（呢）个议员呀，不知民间疾苦，学咩人做议员呀！”

“何永坚”更爆粗道：“楼上居民、街坊途人、附近商铺（铺）顶唔住嘈（噪音）音，好多患上失眠和情绪病，佢地（哋）看医生，系米（咪）你出钱先，正契弟。所谓果（嗰）班街头艺人，都系为博出位，想拍电影、拍电视，唔好讲到班戏子甘（咁）伟大！”

“无敌神驹”仇思达亦发帖狠批：“旺角行人专用区已经嘈咗十几年。以前有条友晚晚loop《爱是不保留》，唱到俾人揶揄咗系‘菜街之歌’。

谭文豪杨雪盈插口挨批

可能眼见自己猪队友俾人闹爆，自己嗰区选民冇受苦嘅公民党九龙东立法会议员谭文豪就讲风凉话，发帖称取消行人专用区，只会“失去嘅系一代香港表演者嘅土壤”喎。“Ricky Leun”留言反驳，“我们要搞清楚行人专用区的作用，当初设立时专为放（方）便市民逛街，所以用有限时间封闭道路方便市民，而不是为了表演者而设的！”

“Jason Pig”也反驳道：“想问下（吓）谭生，如果你住喺楼上会点！”“Callistus Teng”则揶揄：“咁阿议员可以建议在九龙东搞翻（返）个呀！东九海滨，再唔系封咗部份（分）开源道。”

唔关佢嗰区事梗系讲得口响啦！湾仔区区议员杨雪盈，旁听咗前日嘅油尖旺区议会，会后就向传媒话旺角行人专用区“是街头艺术表演工作及市民共享的公共空间”。网民“Dai Wong”秒杀道：“搬去湾仔区啦咁！”“Archer Yiu”也道：“别区的事怎容牠（他）人在指指点点！”