公民党领功叻唔切，反而踢爆自己友偷懒。fb截图

星岛环球网消息：香港《文汇报》讯    所谓“若要人不知，唔好太低B”，区诺轩出post话“成功争取”喺立法会工务小组委员会否决咗观塘喷水池项目，即刻俾人回带闹佢喺讨论元朗天桥项目时缺席仍敢出嚟领央C不过，公民党其实都系咁上下噃。话说该党嘅杨岳桥同谭文豪出post话喷水池否决咗，但佢哋上载张投票结果，好明显见到佢哋同党郭家麒缺席噃！网民就即刻耻笑，仲话有8个反对派议员偷懒冇加入工务小组，系背弃选民。

网民“Dhename Dhe”喺fb留言并上载图片，图片系杨岳桥同谭文豪宣布“成功争取”嘅cap图，一图踢爆喺工务小组就观塘喷水池项目投票时，“右面第一行第二个缺席白色圈，是公民党郭家麒”，仲踢爆埋另一同党郭荣铿原来已中途退出工务小组。

佢质疑工务小组目前有42个成员，“全体非建制有26个，工务小组现得18个参加，收得公帑人工，就应全部加入唔好从中退会，全部非建制都加入就变成‘非建制26 ：真建制24’。”

佢仲点名有8个反对派偷懒冇加入工务小组，系“背弃呃选民”，包括中途退出嘅郭荣铿，同埋叶建源、李国麟、梁继昌、邵家臻、涂谨申、陈沛然、梁耀忠。佢留言质问谭文豪，但就给hide了，“谭文豪一定系自感选票多得滞了。”