网民踢爆小丽老千架Benz铲上行人路，未选到就已经咁大官威囉？ fb图片

星岛环球网消息：据香港《文汇报》报道，俗语都有话“好狗唔拦路”，不过小丽老千（刘小丽）可能就未听过啦。话说前日有网民大踢爆，影到一架印咗小丽老千个名嘅车一嘢轰上行人路。除咗违例泊车之外，睇真啲原来架车仲要系Benz咁豪华，咦，乜小丽老千唔系成日都话团队好穷要人课金咩？网民见到咁梗系闹爆小丽老千啦，话佢假假哋都系公众人物，点可以带头做违法行为。未选到议员就咁猖狂，选到嘅话仲得了？都真系好大嘅官威喎！

小丽老千前日参加“占中”4周年活动，谂住刷下“黄丝”光环啦，结果就畀网友大踢爆，话佢团队架竞选车直接违泊喺金钟中信大厦对出嘅行人路度。虽然小丽老千无得做立法会议员，唔可以泊车喺立法会，但系都唔使将架车直接铲上附近行人路咁大袋啩？

穷到Benz造势唔交泊车费？

唔止咁，除咗违泊之外，睇真啲原来小丽老千架战车仲要系Benz，乜咁富贵都仲喺facebook话自己“财政负担实在唔细”，系咁叫人课金呀？明明小丽老千成日口口声声话建制派有“大水喉”，睇嚟奀齯蘉s头都唔输蚀喎！

见到小丽老千泊车拦路咁大袋，网友梗系闹爆啦。网民“Alex Law”就闹小丽老千做坏规矩教坏人：“自称什么老师！乜唔系应该更加守法吗？”“Alan Cheung”就觉得佢作为公众人物唔应该带头做违法行为：“公众人物应该要有更严格的操守，唔合理吗？”

既然小丽老千都出动到Benz造势咁豪华，就唔好咁度缩连泊车费都悭啦！不过讲系咁讲，其实小丽老千连自己选举承诺嘅“捐半份粮”都可以拖得就拖，拖到要选补选先至呕返出嚟塞住人哋把口，佢又有咩唔悭得呢？